Umhverfisvænar pakkningar

Allar pakkningar frá DELL eru úr endurunnum og/eða endurvinnanlegum efnum.

• Allt plast er endurunnið og stór hluti hefur verið fiskaður úr sjónum
• Allt blek er unnið úr mengun í Indlandi
• Bambus er notaður í staðin fyrir frauðplast
• Pakkningar eru eins litlar og mögulegt er til að auðvelda flutning
• DELL er hluti af SmartWay og eru flutningsleiðir vara úthugsaðar

Uppfærslur og endurvinnsla vélbúnaðar

Dell rekur stærstu endurvinnslu tölvuíhluta í heiminum. Í rúmlega 80 löndum taka þeir við gömlum búnaði, parta hann í sundur og nýta hlutina í framleiðslu á nýjum. Vegna legu Íslands hefur Advania til þessa ekki tekið þátt í endurvinnslu Dell en við tökum þó að sjálfsögðu á móti búnaði og komum í réttan farveg.

Besta leiðin til að stuðla að umhverfisvernd er að láta búnað duga eins lengi og kostur er. Margar vélar má uppfæra á auðveldan hátt og framlengja líftímann þannig til muna.

Ný nálgun í töskuframleiðslu

DELL eru ekki óhræddir við að nota hugmyndaflugið í því stanslausa verkefni sem samfélagsábyrgð er. Góð dæmi um þetta er hvernig allt blek sem fyrirtækið notar, er unnið úr mengun á Indlandi.

Nýjasta viðbótin í safni hálf klikkaðra en árangursríkra hugmynda, er hvernig DELL framleiðir töskur og bakpoka. Fyrir utan að framleiðslan sjálf notar 90% minna vatn og gefur frá sér 62% minni mengun en áður, eru töskurnar húðaðar með vatnshelda efninu Polyvinyl Butyral sem unnið er úr endurunnum bílrúðum.

Hvað þýða staðlarnir?

Sjáðu hvaða staðla búnaðurinn okkar uppfyllir og fyrir hvað þeir standa.