Dell

DELL framleiðir búnað á ábyrgan hátt

Í allri sinni framleiðslu leggur DELL áherslu á það sem þeir kalla hringlaga hagkerfi. Þetta þýðir að allt sem er framleitt, verður hægt að nota aftur þegar líftími vörunnar er liðinn. Í stað þess að íhlutur verði að rusli eftir notkun, sé hann tekinn inn aftur og endurnýttur á framleiðslu á nýrri vöru. DELL rekur stærstu tæknilegu endurvinnslustarfsemi í heimi – í 83 löndum.

Nýverið fór DELL fram úr markmiðum sínum fyrir árið 2020 í endurvinnslu og hafa nú endurunnið 2 milljarða punda af tölvuíhlutum ásamt 100 milljónum punda af plasti og öðrum endurvinnanlegum efnum.

Markmiðið er að minnka orkuþörf búnaðarum 80% fyrir árið 2020
Notkun á efnum skaðlegum fólki og náttúru er og verður alveg hætt
97% úrgangs er endurunninn

Ný nálgun í töskuframleiðslu

DELL eru ekki óhræddir við að nota hugmyndaflugið í því stanslausa verkefni sem samfélagsábyrgð er. Góð dæmi um þetta er hvernig allt blek sem fyrirtækið notar, er unnið úr mengun á Indlandi.

Nýjasta viðbótin í safni hálf klikkaðra en árangursríkra hugmynda, er hvernig DELL framleiðir töskur og bakpoka. Fyrir utan að framleiðslan sjálf notar 90% minna vatn og gefur frá sér 62% minni mengun en áður, eru töskurnar húðaðar með vatnshelda efninu Polyvinyl Butyral sem unnið er úr endurunnum bílrúðum.

DELL tölvur

Efnisval í tölvum er hugsað sérstaklega til að uppfylla ICE 62635 staðalinn. Þetta þýðir að eins mikið er notað af sterkum og endurvinnanlegum byggingarefnum eins og völ er á. Í framleiðslunni notar DELL stál, ál, endurunnið plast og síðast en ekki síst: koltrefjar sem unnið er úr gömlum flugvélahlutum.

Allt plast er endurunnið og allar tölvulínur eru settar saman á þann hátt að auðvelt er að taka þær í sundur til endurvinnslu. Þannig stuðlar DELL að hringlaga hagkerfi sem tekur efni inn aftur til framleiðslu, í stað þess að þeim sé hent.

DELL XPS og Precision 5000 fartölvur hafa verið um árabil framleiddar úr endurunnum koltrefjum og heilu álstykki sem hægt er að endurvinna svo til endalaust.