Advania birtir kolefnisspor vara til að hjálpa viðskiptavinum að taka upplýstar ákvarðanir á vöruvali og til að gera sjálfbærnivinnu okkar sýnilegri og aðgengilegri. Kolefnisspor vara er sýnt í kgCO₂e, sem stendur fyrir kílógrömm koltvísýringsígilda. Þetta er samanburðarhæf mælieining sem safnar saman áhrifum mismunandi gróðurhúsalofttegunda í eitt gildi, þannig að auðveldara er að bera saman loftslagsáhrif ólíkra vara. Útreikningar okkar byggja fyrst og fremst á lífsferilsgreiningum (LCA: e. Life cycle assessment eða PCF: e. Product carbon footprint) frá framleiðendum, þegar slík gögn eru aðgengileg.
Í þeim tilfellum þegar sértækar LCA eða PCF‑niðurstöður liggja ekki fyrir notum við viðurkennda losunarstuðla frá DEFRA og reiknum kolefnisspor út frá þyngd vörunnar. Þannig tryggjum við samræmda, faglega og gagnsæja nálgun byggða á bestu fáanlegu gögnum hverju sinni. Í dag er kolefnisspor varanna að langmestu leyti byggt á vegnu meðaltali LCAog PCF ‑gagna og staðlaðri þyngdaraðferð.
Markmið okkar er að þróa þessa vinnu áfram og birta í framtíðinni nákvæmari, vörusértækar LCA‑niðurstöður niður á hverja tegund raftækja, eftir því sem framleiðendur gera slík gögn aðgengilegri. Ef spurningar vakna er alltaf hægt að hafa samband við verkefnastjóra sjálfbærni hjá Advania.
Innskráning og nýskráning fer fram með rafrænum skilríkjum. Persónulegur aðgangur stofnast á alla notendur við innskráningu, og hann svo tengdur við fyrirtæki fyrir innkaup á þeirra kennitölu í nýskráningarferlinu. Ef búið er að tengja persónulega aðganginn þinn við fyrirtækið, getur þú skipt yfir á það með því að smella á nafnið þitt uppi í hægra horninu og Skipta um aðgang.
Ef fyrirtækið sem þú hefur heimild til að kaupa fyrir birtist ekki á listanum yfir þína aðganga eftir að þú skráðir þig inn, þarftu að sækja um:
- Skráðu þig inn með rafrænum skilríkjum
- Smelltu á Mínar síður undir nafninu þínu í hægra horninu
- Veldu Fyrirtæki
- Veldu Sækja um og settu inn kennitölu fyrirtækisins
Hvert fyrirtæki hefur einn eða fleiri Admin aðganga í vefverslun. Þessir ofurnotendur geta bætt við og fjarlægt notendur á Mínum síðum og hafa aðgang að reikningum fyrirtækisins. Að auki geta þeir útbúið innkaupalista sem hægt er að deila með öðrum notendum fyrirtækis síns.
Ofurnotendur geta bætt nýjum notendum í vefverslun með því að fara á mínar síður - notendur - bæta við notanda.
Sæktu um Admin aðgang á mínum síðum.
Kjör uppfærast sjálfkrafa við innskráningu á fyrirtækjaaðgangi. 2% auka afsláttur bætist við önnur kjör þegar verslað er í vefverslun (að útsöluvörum undaskildum). Fyrirtæki með þjónustusamning við Advania geta valið um standsetningu á búnaði í kaupferlinu – aldrei hefur verið jafn auðvelt að kaupa búnað og fá hann afhentan tilbúin til notkunar.